ფინანსური ანალიზი არის კომპანიის ფინანსური მონაცემების ღრმა და სისტემური შეფასება, რომელიც მიზნად ისახავს ძირითადი მაჩვენებლების, ტენდენციების და რისკების გამოვლენას. ეს პროცესი ეხმარება ბიზნესს, უკეთესად გაიგოს საკუთარი ფინანსური მდგომარეობა და მიიღოს მონაცემებზე დაფუძნებული, ეფექტური გადაწყვეტილებები.
ბიზნეს და საინვესტიციო გეგმა წარმოადგენს დეტალურ დოკუმენტს, რომელიც ასახავს კომპანიის სტრატეგიას, სამოქმედო გეგმას, ფინანსურ პროგნოზებსა და ზრდის პერსპექტივებს. ის შექმნილია იმისთვის, რომ დაარწმუნოს ინვესტორები, პარტნიორები ან ბანკები კომპანიის იდეის სიცოცხლისუნარიანობასა და მომგებიანობაში.
ჩვენ გთავაზობთ პრაქტიკულ და რეალურ საჭიროებაზე დაფუძნებულ ტრენინგებს ფინანსებისა და ბიზნესის მიმართულებით. კურსები შექმნილია როგორც დამწყებთათვის, ასევე მათთვის, ვისაც სურს ცოდნის გაღრმავება და პრაქტიკაში გამოყენება. სწავლება მიმდინარეობს გამოცდილ ექსპერტებთან, ადაპტირებული ტემპით და ინდივიდუალურ საჭიროებებზე მორგებული ფორმატით.
ბიზნესის ღირებულების შეფასება არის კომპანიის რეალური საბაზრო ფასის განსაზღვრა, რაც ეფუძნება არა მხოლოდ მიმდინარე მაჩვენებლებს, არამედ საბაზრო გარემოს, მომავლის პერსპექტივებსა და სხვადასხვა ფინანსურ თუ არაფინანსურ ფაქტორს. შეფასება აუცილებელია, როდესაც გსურთ იცოდეთ, რამდენი ღირს თქვენი ბიზნესი ობიექტურად და პროფესიონალური შეფასებით.
ბანკებთან მედიაცია გულისხმობს ფინანსური ურთიერთობების მართვას ბანკებთან. ჩვენ ვმოქმედებთ, როგორც თქვენი ინტერესების დამცველი პარტნიორი, რომელიც მთლიანად უძღვება მოლაპარაკებებს და უზრუნველჰყოფს, რომ მიიღოთ თქვენთვის ყველაზე მომგებიანი პირობები.
ინვენტარიზაცია არის ორგანიზაციის ქონების სრულყოფილი აღრიცხვა და დამოწმება, რაც მოიცავს როგორც საბრუნავი, ისე ძირითადი საშუალებების ფიზიკურ გადამოწმებას. ჩვენი მომსახურება გულისხმობს პროცესის სრულ მართვას, ნაწილობრივ ან სრულ ინვენტარიზაციას, თქვენი ბიზნესის სპეციფიკისა და საჭიროებიდან გამომდინარე.
CFO აუთსორსინგი ნიშნავს თქვენი კომპანიისთვის მაღალი დონის ფინანსური მენეჯერის — ფინანსური დირექტორის (CFO) ფუნქციის გარე პარტნიორის მეშვეობით შესრულებას. ჩვენ ვთავაზობთ გამოცდილ ფინანსურ ექსპერტს ან ექსპერტების გუნდს, რომლებიც ღრმად ერთვებიან თქვენი კომპანიის ფინანსურ პროცესებში, აძლევენ ბიზნესს ობიექტურ შეფასებას, აფასებენ რისკებს, გთავაზობენ სტრატეგიულ რეკომენდაციებს და ხელს უწყობენ თქვენი კომპანიის ზრდასა და მდგრადობას.
თანადამფუძნებელი, მმართველი პარტნიორი
თანადამფუძნებელი, მმართველი პარტნიორი
მთავარი ბუღალტერი, კონსულტანტი ბუღალტერიაში
ბიზნესის განვითარების მენეჯერი
მრჩეველი მარკეტინგულ საკითხებში